勝香園

營業中

休息中

叫咗兩個麵、一個檸蜜脆脆、一杯凍奶茶。麵嘅湯同番茄醬完全分離，擺明係將啲嘢倒埋同一個碗就算，撈勻都費事。杯嘢飲又落錯單，凍奶茶走甜變走冰。廿幾蚊個麵無謂計較，都無叫佢換過杯奶茶，但已經肯定間嘢唔值得排咁耐隊。到食曬兩個麵，檸蜜脆脆都未嚟。因為擔心漏單，就同阿姐講聲個檸蜜脆脆未到，點知句嘢都未講完，阿姐就態度惡劣打斷問題，話要時間整唔好催。過咗一陣檸蜜脆脆嚟到，阿姐仲要好寸咁加多句︰「拿而家咪嚟咗囉！催乜嘢丫！」其實係見佢有前科落錯杯奶茶先擔心再有錯漏，而食完兩個麵都未到亦確實有啲耐，自問問得有禮貌，但阿姐就句句咄埋嚟，臨尾仲要攞多身彩，嗌到其他食客都聽到佢話我哋。其實簡單答一句「等多陣」係咪好難？一肚氣走，以後唔會再嚟。見到呢度啲負評全部都係話阿姐態度差，睇嚟間嘢都慣咗對客咁差，無得救。