尚越 (已結業)

同男朋友行完街去食飯，因為本身鍾意食越南野所以試下呢間。去到見到個價位都ok, 仲有冷熱飲送。一去到收銀處，個女人既樣已經黑到不得了，因為我唔食葱同洋蔥，所以同佢講，點知佢聽錯走青走芽菜，同佢講返，佢既嘴臉比頭先更黑，就好似我講錯要佢改過咁。我拎左之後搵位坐低，男友同我講佢倒緊酸汁既時候，佢地三個職員一直望住佢，好似驚死倒晒成枝咁。到我食既時候，成碗麵冇味咁濟，落完酸汁先有些少味度，同埋極多雞皮。職員態度差。食物質素差。如果要我比多次咁既$35雞絲金邊粉同服務態度，我寧願比多$30比大財團食個好質素既食物同服務。