影片
更多
2023-04-16
649 瀏覽
本身諗買外賣煎餃嘅，咁就企咗係到叫，咁同伴話想食湯餃就叫咗湯餃，咁諗住係車食湯餃怕倒瀉所以就諗住坐低食埋先，咁就同姐姐講轉係到食，我地就坐低咗，跟住就有個阿叔喺個廚房度講，堂食就唔好企喺度叫啦，企係到係叫外賣，阿吱阿咗講咗一堆嘢，不斷喺度講緊我哋企喺度叫堂食嘅問題，我地都無理會佢。隔咗一陣佢又再講，堂食我哋最低消費一個人$36，你哋唔夠錢喎，啲態度係極度差，咁我就話咁我哋轉外賣囉，即刻企返起身，個阿叔都仲係不斷係到講我地。其實我轉堂食嘅時候啊姐無講到，而我係枱面到拎個餐牌嚟睇住叫野食我根本就唔知道有最低消費呢個問題，而且我亦都無介意最低消費，但係好不滿個阿叔啲態度，好似我欠咗佢咁，講真我都係嚟買嘢食姐，其實佢咁樣做都真係幾趕客囉，一心都係想買下零食，結果要受氣🤬🤬🤬🤬幾好食都假，要受埋啲咁嘅氣！咁唔滿意同咁嘅態度就唔好做飲食啦
40 瀏覽
0 讚好
0 留言
張貼
