竜王居酒屋 (已結業)

睇完OpenRice 經OpenRice book埋台就伏咗。有點被過高評價。睇埋GoogleReview果邊老實好多。入到鋪好似審犯咁問有冇book台，如果唔係稱住個細路可能走咗。後生仔倒咗三杯茶，我問可唔可以要杯唔熱比小朋友，亞經理可能表達能力唔係咁好，感覺好不滿咁拎咗杯冰比我 - 多謝晒。後生仔喺附近，就隨便搵佢落單。佢好有效率咁搵經理幫我落。我地要一個竹炭烏冬、一個豚肉烏冬，亞經理轉身想走，我話佢知未落完㗎。。加埋魚生、竜王卷、串燒。。最後少咗碗烏冬，搵後生仔follow up，佢好似聽唔明定唔知點，要廚房叫出嚟同我哋講會跟一跟。食曬全部野，碗烏冬都冇嚟就算。因為經理好忙，後生仔又企定定喺道，唯有揮手搵佢埋單，原來佢眼睛對住你唔代表focus到你，總之佢只係一個紙板人篤喺度。食物係ok嘅，價錢其實唔平，加埋自討苦吃嘅態度直頭係貴。三個人，坐咗半個鐘，未食飽埋單九百幾。