榮園麵家 (已結業)

晨早入元朗做物理治療，未食早歺趁冇雨再趕出旺角取東西，落車超肚餓，想起榮園都好多年冇幫襯，順路又肚餓，熱都照食，11點半到店鋪約7成滿，有位我揀，叫了魚旦米(食得快點)，如果天氣不是那麼熱及我又趕時間，我一定食河粉。魚蛋米$26(8/10)~下單後不用2分鐘就到，湯底夠熱，米粉一般，比較"嚡"口，魚蛋有4粒，咬落淋彈，有魚味，記憶中冇以往咁咸，魚片有3片，一樣好味，可惜冇片頭。冬天趕時間來此吃碗粉的確唔錯!