MOS Burger (已結業)

晏就無啦啦可以拎補假，即刻拿拿林問下做facial有無得改早～改早左但就得返４個字度可以食野，朗豪坊好似無咩快食之選，又唔想食Ｍ記，已經連續ＯＴ食左好幾日，上到平台見到MOS Burger無咩人即刻入去叫野食，叫左摩斯芝士漢堡跟了南瓜薯餅餐～俾完錢拎住果個會震會響ge機仔搵個靚位坐，等左５分鐘度就有野食到啦～真係好耐無食摩斯漢堡啦！熱辣辣真係好正，真係特別中意個包裝，唔怕Ｄ肉醬漏哂，如果係叫薯條可以點返Ｄ肉醬泥食～呢個南瓜薯餅入面勁熱，但Ｄ南瓜好甜～估佢唔到以為會好乾無咩味～但出奇地甜同埋唔會好油～ＰＳ拎餐果陣有個妹妹送泥，佢係０表情勁恐怖咁拎過泥，嚇親我呀真係