MOO MOO

營業中

休息中

對我來講，Moo Moo一直係香港漢堡性價比之王，所有手工漢堡只係$70樓下，實在難能可貴。Moo Moo有室內同室外，自己好鍾意Moo Moo既室外環境，尤其係霓虹燈招牌同大螢幕餐牌。我地叫左兩個漢堡，一個肉汁芝士薯條加兩杯飲品，價錢只係$220，真係幾抵食。- 美式之堡麵包塗上牛油後輕輕烘烤過，用安格斯牛肉打成既漢堡扒好厚，不過食落有少少硬。煙肉非常乾身香脆，鹹香一流。醬汁份量亦剛好，唔會食到成手都係醬汁。- 鹹蛋黃雞堡賣相唔似餐牌相片咁著左「黃金戰衣」，即係鹹蛋黃醬無鋪滿整塊雞扒。雞扒肉質都幾嫩，不過唔多入味。- 肉汁芝士薯條薯條幾香脆，而且夠粗身，食到入面既軟嫩薯肉，每一條薯條沾滿半溶芝士同肉汁，令人食極唔停。- 檸檬特飲🍋味道似外國檸檬茶，味道偏甜。P.S 餐紙上印有美式笑話，我認為幾有趣。