京都勝牛x TOKYO DOLCI (已結業)

近來好多新餐廳都鍾意玩下噱頭咁。呢間之前裝修已經留意到。因為睇相幾吸引，於是去咗試下。星期六下晝兩個人去食，唔係太多人，去到直接有位。入座安排咗張細檯，有少少逼。建議兩個人，唔好坐細檯，寧願等下有大少少嘅檯先入座！佢哋Scan QR code落order。未落order前，見到隔離啱好有張大少少嘅檯埋單走，詢問店員方唔方便俾我哋轉位，答覆話安排唔到。睇咗一輪就落order。牛雙味套餐x1炸里脊豬排套餐x1炸蠔x1熱情果鮮桃特飲x1每落一個餐，店員都會簡單介紹下。話說點解唔好坐細檯，其實佢哋個餐擺盤，已經好佔空間，擺完兩個餐其實已經冇乜位。所以，最後上埋第二套餐嘅時候，店員都係好勉強咁塞落張檯，個盤有1/4喺凌空咗嘅，就走咗。😥難以想像，邊度仲有空間可以俾你點個爐加個細煎pan。嘢食方面，打卡ok，兩個套餐味道就真喺有少少符合唔到個價錢，特別喺個牛，好失望。好似唔知食咗啲乜咁。杯特飲，酸到有少少寒酸，可能都喺打卡用吧。全部嘢，反而個飯同炸蠔ok。話說餐廳收加一都唔喺咩新鮮嘢，不過最後到埋完單走嗰刻，我都諗唔明點解要俾加一。最後總結，間嘢適合發稿，打卡。真喺覓食的話，可能未必人人滿意。