The Food Gallery

食物選擇非常少，尤其係熱食。海鮮同刺身唔算高質，不過可以接受。大閘蟹雖然細隻但出乎意料地好食，不過隔離枱比較黑仔，見到佢地啲大閘蟹膏全部係灰色熱食真係唔掂，片皮鴨同燒肉皮都係韌到完全咬唔到，牛肉同煎蠔餅都好難食，唯一好食既係乳豬，不過好似得一轉咁大把，我想拎多份比朋友都比個阿姐黑面拒絕。甜品望落唔錯，選擇唔少，可惜非我杯茶。總括黎講，六百幾連加一唔算貴，但性價比就偏低。除咗個燒臘阿姐黑面之外，其他員工都好好態度，尤其係開蠔嗰位。題外話，大家唔好叫檸水啦。生蠔隔離大把檸檬，唧啲檸檬汁落杯水度咪一樣。