Amazake (已結業)

朋友生日飯，之前睇評價唔差，book左黎試。6點準時入座，有得選擇當然揀左最埋嘅卡位坐，想靜靜地。All you can eat $320/位，未計加一。選擇並唔係太多，但每樣食下都試唔晒。第一轉係唔洗落order，佢會每樣都上啲俾你食。有：雜錦炸物：炸餃子🥟，炸雞，炸雞翼天婦羅：蝦，蕃薯🍠，秋葵，冬菇沙律：牛肉/豬肉沙律（佢會叫你二選一先）壽司：三文魚卷，吞拿魚卷，加州卷串燒：雞腎，五花腩，冬菇，雞軟骨刺身：三文魚，甜蝦，帶子，油甘魚淨係食呢轉基本已經飽晒。之後叫左個主菜，主菜每人只限叫一次。我地選左甜汁三文魚扒同薑汁豚肉。好彩黎到個主菜好細份，好驚食唔落。之後再追加左帶子刺身同油甘魚，份量一啲都唔少，仲要厚切好新鮮😋😋抵晒。推薦嘅仲有串燒雞軟骨👍🏻👍🏻最後甜品：芝麻雪米磁，都係每人限一份仲有鰻魚飯，牛肉烏冬同刺身飯，不過已飽上心口，無試到。整體服務都唔錯，埋單連加一人均$350。出邊低質素放題都要二百幾。注意：晚市放題好似唔係晚晚都提供。