華小料理屋 (已結業)

好想食sukiyaki ，中環間根本諗都冇諗因為好難book，見到食評推薦呢間就試下。環境幾好，位置好闊落。叫佐個set有一碟牛，两隻蛋，一碟配菜，有個甜品。圖所見碟牛係靚嘅，雪花均勻，但奇怪嘅係用白蛋？蛋黃好淡，好似係廿幾蚊盒嘅白玉咁😂之前食開啲都係用好黃蛋黃雞蛋，而且呢個價錢，俾隻蘭王絕對唔過份咯，即刻減佐分。其實食物係唔錯，除佐隻蛋😂同人，幫我地煮個人好似唔熟手咁，又攞漏嘢煮到一半去攞，再煮到一半去埋單，但係有其他同事在喎。後來煎到啲煙好大，佢用風扇仔吹，但就全部吹佐去朋友度😂，成個過程佢好唔熟手又甩咳，有時食貴小小嘅sukiyaki 都包埋專業嘅服務，但呢度冇專業而言，似茶餐廳行為多啲🫣，好食都唔會再黎，况且都唔特別。