意樂餐廳 (囍逸)

營業中

休息中

去到餐廳6點幾已經大排長龍，真係誇張，吹風吹到我頭都甩埋先有位。不過係呢附近，間餐廳裝修係比較靚，價錢又ok, 所以又想試下，唯有睇住餐牌、等下lo.叫左個牛排餐，話咁快就黎。黎到時就明點解咁多人等位，做街坊生意都係要靠真材實料。 賣相唔錯、塊扒煮得靚丶又大塊，真實同上鏡都咁靚，忍受住歧視既目光，都要快快幫佢影張相。個扒都幾好食，叫左杯麥片好立克都好好飮。唯一係個湯有海量既洋䓤，所以我唔太飲。野食唔錯、座位都唔太差，不過絶對唔坐得耐、客人太多貨如輪轉，想同朋友傾計可以去幫襯埋附近既糖水，我去個陣可能時間關係無乜人，可以慢慢傾。