品穀

營業中

休息中

每次出街覓食，都會搵下當區有無特色、或者人氣麵包店。今次黎荃灣，見到呢間品穀麵包店有一款咖啡盒子，深深吸引中意咖啡甜品嘅我。咖啡盒子 $25夾果陣隔住個口罩都聞到咖啡香，平日中意飲咖啡嘅我，番到屋企急不及待打開😏。切開見到中間有個空心位，失望感當堂湧上😯，但仔細D睇，原來空心位有一堆咖啡醬，所以呢個位咖啡味最濃；其他位除左有咖啡香之外，仲會有朱古力味，咖啡配朱古力一定無問題。全個包甜度適中，不過略嫌麻煩，因為要自行搽勻中間D咖啡醬。芝士包 $36樣子唔算好特出，大概長15cm，夾果陣FEEL到好墜手。呢個包出乎預料嘅煙韌😮、有彈性，大力壓扁後，會彈回原型😲，外層要用扯嘅方法先咬得開😂；中間位置比較軟彈。由於麵包外層堅韌，加上屋企無麵包刀，我用左牛扒刀、菜刀、生果刀先可以切開佢🤣，真係幾費力….略嫌高溶點芝士集中係中間位，頭尾一粒都無；麵包質感唔錯，但味道無好特別，加上價格偏貴，如果係附近好想食特色麵包可以試下，但特登去買就唔駛。