S2 鐵板燒 (已結業)

超好食， 係我食過最正既鐵板燒， 今日去到， 個傑師傅都好健談，無所不談。每一樣嘢食都非常好食，而且好有驚喜，性價比超高； 之前睇到近排其他評論有啲都好負面，所以開頭我去之前都有啲驚，但係自己親身食過完全唔係負評嗰啲感想，可能佢哋嘅味覺同我唔同啦，但係我好誠意推薦大家。佢最出名嗰個18層海膽杯，真係好有誠意每一層都用啲優質嘅材料食落去好有口感，海膽亦都係好靚，然後嗰個龍蝦係非常之新鮮，係即場劏嘅， 佢燒緊嘅時候仲識得郁，所以真係好有驚喜，嗰碗湯又好特別， 係搵紙去包住喺度整熱，好好味啊