桃子Cafe (已結業)

我地叫左白汁明太子海鮮意粉餐、咖喱漢堡蛋包飯同埋和風雜菌芝士蛋包飯。好快就黎左個栗米湯，心形既碗非常吸引，急不及待飲第一啖熱辣辣既湯，栗米湯有栗米粒，低脂，食到粟米粒嘅真味，係（開多左水嘅）家的味道。和風野菌芝士蛋包飯道好健康，少鹽，少調味料，清淡到冇味道既蛋包飯第一次食，令人非常驚艷清新。白汁明太子意粉好juicy，juicy 到我以為食緊湯意粉。食左一啖，係有淡淡明太子味，但係可能太健康，食唔到唔到好滑好濃郁嘅白汁味，太juicy 了。咖喱漢堡蛋包飯比較唔特出，感覺冇上面提到嘅飯咁健康，比上面嘅飯/意粉濃味少少，冇打茨。漢堡有啲脆皮，外脆內軟，好貼心咁吹至可入口嘅溫度先上菜。滑蛋係滑嘅，但都係好健康。甜品係卜卜脆紅豆奶凍，擦新左我對紅豆嘅理解，係紅豆形狀嘅爆珠，個奶凍有藥水味，令我地感覺到呢個奶凍嘅特別總結，份量夠大，可以免費加飯，但一定冇下次，難食到一食完用左一個鐘黎諗點打呢篇食評。