華小料理屋 (已結業)

原本係想去中環嗰啲Sukiyaki舖頭度食，但係太難book位，所以退而求其次就揀咗呢間去試吓。試左之後真係好伏！一入到去見到張紙寫住係Mr stxxx，已經冇乜期望。一早book咗位，早到咗想坐出邊啲位罝而且本身間餐廳都冇乜人，佢都係叫我坐最近後門嘅位置。我有要求掉位，但都俾佢拒絕因為佢聲稱有Booking， 點知過咗半個鐘都唔見有其他人，真係唔知個經理做乜唔比人坐出d。之後冷氣機滴水，好彩滴左落杯茶度冇滴落啲肉到。講返個近江牛set ，同喺donxx 百幾蚊買嗰啲係冇分別，又未到去到好難食，但一定唔值呢個價。然之後個Staff嚟幫我哋煮，成日煮煮下都走咗去做其他嘢，老實講比得 $2000 都會希望會有個體驗，點知同幾百蚊嘅燒肉店冇分別。真係唔會有下次，完全係唔值得推介比任何人食。總括而言，我覺得呢一間最多值$600兩位，我勸大家去食之前諗清楚。