Pheromone - Steak House (已結業)

呢間餐廳要訂到2月平日先有位，咁啱有朋友去唔到比我去執雞。無menu,全食牛，廚師煮咩你食咩。唔同人數訂既枱食既牛都會唔同。去之前都心諗，有無咁巴閉呀？ 不過食完我都要講一句我個人係推薦既。 我個人唔係太鍾意食和牛，覺得油份太重。今晚廚師㨂左三個唔同cut,有住三種唔同口感同肉味，我覺得幾好。 每道菜都有人仔細介紹，符合fine dinning experience. 相反價錢方面，佢真係稱唔上fine dinning🙂 500幾蚊位，唔收corkage ，離譜呀😛 overall experience 我係鍾意佢多過MO GRILL， 一來輕鬆啲，二來MO 5000幾蚊食既野都唔能夠令我有深刻印象。以性價比黎講，我相信唔會令你地任何人失望。