醉標無骨海南雞

營業中

休息中

藍田匯景商場一向都多嘢食，今次嚟搵食嘅係有幾間分店嘅海南雞，原來係一間小小嘅店舖，一出地鐵站A出口轉右就見到。餐廳原來淨係做外賣，所以今次真係要拎返屋企先有得開餐。我嗌咗口水雞飯配楊枝甘露，另外小食嗌咗個豬頸肉。首先講講個主菜口水雞個雞滑不特止，嗰個口水汁亦都調得非常之惹味，唔會話非常之辣，辣到冇晒香味，個飯都係黃薑飯，亦都好粒粒分明，唔會好似其他公司咁煮到一pat pat。豬頸肉燒得非常之香脆，而且份量好多。最驚喜係個杯楊枝甘露，楊枝甘露唔會太甜，亦都口感好豐富好足料，係性價比極高嘅一間餐廳。