壹玖陸零 (已結業)

餐廳係復古風嘅裝修，播放住oldies 嘅音樂，座位舒適。前菜大力推介八爪魚薯仔沙律！八爪魚超級爽口，薯仔蓉已經調咗味，再配上沙律菜加少少沙律醋，超級令人開胃。另外，最鍾意豬鞍個主菜，肉質細嫩，口感極佳。而且份量一啲都唔細！配菜亦都唔求其！！仲有蜜糖雞翼都超級好味，個皮脆卜卜，裏面啲肉又滑又林。餐廳侍應超細心，最後送咗白兔糖奶凍俾我哋，超香白兔糖味，但係又唔會太甜，奶凍面有脆脆，奶凍好滑，口感超好。