Orange Elephant Thai Restaurant (和富) (已結業)

今日約咗朋友喺北角，於是呢位北角地膽就帶我去和富中心的橙象。餐廳環境十分寬敞舒適，置身其中，恍如置身在外地，非常chill。泰式明爐烏頭魚由於今日係星期一，明爐烏頭魚只售$1，真的平到難以置信。烏頭肉質結實，味道甘香，再配有不同的蔬菜，味道極佳！炭燒豬頸肉豬頸肉吃起來瘦而不柴，肉質柔軟，味道較為香辣，配料新鮮生菜，兩者極為匹配，口感唔錯！冬陰蝦炒飯呢個冬陰功蝦炒飯係由朋友強烈推薦，就咁食第一啖已經好有驚喜！每一啖飯都充滿冬陰功的香味，非常特別，而且鮮蝦爽脆，下次可以再encore！💯椰青椰青又大又鮮甜，內裏的果肉香軟，配泰菜一流！芒果椰子西米慕斯特飲喺呢間餐廳食嘢仲可以試到唔同嘅芒果甜品或者特飲。而今次我就揀咗芒果椰子西米慕斯，佢好重芒果味，味道香甜，而且同椰子味好夾，加埋粒粒分明嘅西米，絕對係冇得輸嘅甜品！埋單嘅時候都唔使$300，而且食物質素同服務都好好，簡直超級抵吃！