Quattro's Kitchen (已結業)

自助沙律吧：晚餐推介加多$38就可以享用半自助餐。呢度沙律吧嘅選擇非常多，包括有餐包、炸物、沙律、甜品等。羅宋湯嘅蕃茄味濃厚，入邊用咗好多真材實料，有牛肉粒、西芹、薯仔、蕃茄等，火喉十足！韓式泡菜沙律，雞肉軟身加埋泡菜同沙律菜一起食，味道好夾。通心粉有好多材料，有魚籽、蟹柳、洋蔥、青瓜等，通心粉唔會煮得太軟身，口感比較爽口。燒豬仔脾：豬仔髀煎得好香脆，肉身好嫩，唔會過熟。表面落咗啲蜜糖，另外可隨意配上燒烤汁一齊食，令食物更加好味。香煎牛柳：牛柳肥瘦適中，烹調至五成熟，肉汁鮮嫩，唔會太多血水，配上蒜味嘅蘑菇汁。