幻 (已結業)

之前開業個陣已經想食，朋友生日我地就去左慶祝，位於海天晉匯，地方大坐得十分舒適，餐廳周不時都會做優惠，假日午餐原價$788，而家做緊75折，性價比超高。池魚餃子用紫蘇葉包住，炸到外面脆卜卜，魚肉嫩滑多汁。高塘蕃茄酸甜多汁。象拔蚌竹炭鹽無腥味，爽脆有咬口，加咗竹炭鹽吊一吊味。白蝦來自富山縣，質感爽滑，份外鮮甜。北寄貝入口爽口，有好咬口。池魚肉質鮮嫩有彈性，魚味清香。中拖羅厚切，油脂慢慢滲出來，無渣。大拖羅入口即溶，油脂10分豐富。毛蟹 蟹肉鮮甜無比，加上蟹膏雙重口感。小柱壽司師傅話而家係時令食材，小柱肉質鮮甜爽口。鯖魚棒分量大，魚質嫩滑，帶少少酸味，師傅炙燒後油脂香濃。馬糞海膽入口即溶，甘香鮮甜。手卷吞拿魚蓉加左海膽同魚子醬真係不得之了，紫菜脆身，一次滿足我三個願望。大蜆清湯食完壽司飲番碗暖湯好舒服，淡淡地北海道粟米雪糕雪糕香甜creamy，帶有清新味道。