財記辣蟹私房菜

營業中

休息中

朋友係要見嘅！所以我就約咗朋友一齊去越華會原班人馬主理嘅財記辣蟹私房菜食晚餐。 私房菜環境雅緻清幽，真係傾計嘅好地方 。 豉椒炒蜆$98 大蜆好乾淨冇沙， 鮮甜美味，豆豉夠香，加埋少少辣，好惹味呀！ 鹹蛋黃涼瓜$78鹹蛋黃嘅鹹度適中，能夠中和苦瓜嘅苦味，一口一啖非常過癮。蒜蓉蝦乾蒸勝瓜$88勝瓜鮮甜多汁，金銀蒜夠晒香口，喺秋天咁干燥嘅天氣可以食到一個咁鮮甜嘅勝瓜，覺得好幸福。蒜蓉粉絲蒸大蟶子$88/隻新鮮嘅大聖子長過手板，肉質鮮甜彈牙，蒜蓉好香，粉絲夠彈牙，一入口味道好豐富。京蔥醬爆牛肉$98牛肉夠曬淋，京蔥又惹味， 滿口嘅肉香加蔥香，一碗白飯係唔夠咖。