影片
更多
2023-04-28
25 瀏覽
五斗米（上環）📍No. 237 Queen's Road Central, Central😋 4.9/5我最愛的餐廳就係富有人情味的小店，前兩日係上環買外賣返屋企食無意中就遇到呢間台灣小店，覺得好值得得到更多食客關注。睇到店內的新聞訪問，得知老闆娘係台灣人🇹🇼嫁來香港想開左呢間台灣小食店，希望可以透過食物達到人與人之間的聯繫。🔹麻辣牛肉麵 $63 本人係noddleholic，但係香港好似仲未食到好似台灣咁彈牙濃郁既牛肉麵，即便係好貴好出名的餐廳，但係呢度既牛肉麵湯底超級濃郁，店員話每日至少用四個小時熬煮，加上牛肉都燜的軟腍，最重要係麵底都係彈牙，所以呢個牛肉我會話係超水準同埋超有心思，完全估唔到呢間外表唔起眼的小店會烹調到咁好味既牛肉麵。😍🔸滷雞腿肉燥飯 $59🔸滷百頁豆腐 $22(小)呢個飯超級足料，唔單止雞腿大大隻，加上滿滿既肉燥，完全係大胃王必推，而且唔係大碗咁普通，滷味感覺同台灣食到的味道差唔多，加上呢度既滷味有台灣既味道，真係十分唔錯👍🏻🔹玉米起司蛋餅 $39呢個蛋餅真係一D都唔簡單，即叫即製，配上香甜既玉米同埋有拉絲效果既芝士，一定要上碟之後即刻趁熱食，唸唸下如果佢平時早
📍No. 237 Queen's Road Central, Central
😋 4.9/5
我最愛的餐廳就係富有人情味的小店，前兩日係上環買外賣返屋企食無意中就遇到呢間台灣小店，覺得好值得得到更多食客關注。
睇到店內的新聞訪問，得知老闆娘係台灣人🇹🇼嫁來香港想開左呢間台灣小食店，希望可以透過食物達到人與人之間的聯繫。
🔹麻辣牛肉麵 $63
本人係noddleholic，但係香港好似仲未食到好似台灣咁彈牙濃郁既牛肉麵，即便係好貴好出名的餐廳，但係呢度既牛肉麵湯底超級濃郁，店員話每日至少用四個小時熬煮，加上牛肉都燜的軟腍，最重要係麵底都係彈牙，所以呢個牛肉我會話係超水準同埋超有心思，完全估唔到呢間外表唔起眼的小店會烹調到咁好味既牛肉麵。😍
🔸滷雞腿肉燥飯 $59
🔸滷百頁豆腐 $22(小)
呢個飯超級足料，唔單止雞腿大大隻，加上滿滿既肉燥，完全係大胃王必推，而且唔係大碗咁普通，滷味感覺同台灣食到的味道差唔多，加上呢度既滷味有台灣既味道，真係十分唔錯👍🏻
🔹玉米起司蛋餅 $39
呢個蛋餅真係一D都唔簡單，即叫即製，配上香甜既玉米同埋有拉絲效果既芝士，一定要上碟之後即刻趁熱食，唸唸下如果佢平時早d開門，可以每日買來做早餐😋
🔸炸物拼盤 $58
點少得食下台式炸物，拼盤有我最愛既甜不辣，仲有鹽酥雞，花枝丸同埋脆皮椒鹽豆腐。甜不辣依舊都係好好味，炸到表皮乾脆，鹽酥雞都係外脆雞肉酥軟，最主要係加上特調的調味粉，好似返左去台灣夜市咁🤓
🔹九份芋圓 $32
🔹蜂蜜檸檬愛玉 $23
食完正餐點少得甜品飲品，呢度既芋圓雖然賣相普通無太多花巧野，但係勝在用心製造，簡單烹調都可以食到美味嘅口感。而我最愛既台灣飲品就係檸檬愛玉，呢度特別加入蜂蜜綜合檸檬酸味，酸酸甜甜既口感絕對解膩，呢餐真係我食過性價比最高既台灣菜❤️
雖然小店只有兩個位置，不過如果係上環返工既朋友仔可以來呢度買外賣，絕對唔會令你失望☺️☺️
張貼
