撈得喜火鍋冰室

營業中

休息中

聖誕大餐食咗呢間雞煲火鍋，連埋假期前夕加的每位$20，每人才$252，計埋食物質素及服務水平，性價比實在高得驚人，真係要多啲幫襯，如果唔係真係驚佢做唔住。先吃雞煲或烤魚，然後再加湯打邊爐。個雞煲都幾惹味，同埋主要係雞脾肉，啲雞嘅質素都唔錯。至於佢啲火鍋配料都真係算多，海鮮有蜆、蟶子仔、青口、蠔仔、蝦及九肚魚。牛肉有手砌牛、牛板筋及肥牛等，豬肉就有黑毛豬肉片等。特別啲嘅就有白雲耳同鮮鴨血。飲品除咗一般啤酒汽水外，仲有手沖桃膠、水果茶、仙草等。另外仲有雪糕甜品嗰啲。醬料都多選擇。二百幾蚊1.5小時放題，抵到無朋友。