禮 (打鼓嶺道)

營業中

休息中

九龍城有地鐵之後，我都多左去九龍城搵食，今日同朋友慶祝生日，我都揀左係呢頭既日式居酒屋～禮～。見到2小時啤酒&清酒任飲都無98蚊一位咋，咁抵即點join。咸咸香香既漬物同酒盜芝士，送酒簡直一流。特別係酒盜芝士口感好豐富。極上刺身三品，三文魚油甘魚又厚又肥美，海蜇好爽口。黑松露帶子飯卷，每舊都有，好香松露味。南蠻炸雞，脆卜卜，汁醬醋醋甜甜，唔錯。芝士玉子燒，滿滿芝士🧀，yummy.仲叫左幾樣風味既燒物同串燒餸酒，🍡醬汁燒豚肉串，夠入味🍡厚切牛舌芯，勁厚又軟腍。亞波美手羽，即雞中翼呀。網燒赤雞肉，肉質超嫩超香蒜蓉燒生蠔🦪月見醬唐揚飯團，平時月見醬通常係點雞肉棒。今次玩外層脆卜卜既飯團又好好味。薯上白雪，好特別既甜品，蕃薯蓉配球豆腐雪糕，食唔停。