影片
更多
2017-04-29
217 瀏覽
今日係觀塘碼頭隔離嘅宏利金融中心接個friend收工， 順便傾下密計， 成日捐窿捐罅搵美食嘅朋友就介紹咗 喺佢公司商場裏面嘅《Hey囍》打邊爐。呢間《Hey囍》打日式火鍋放題旗號， 有多個價錢選擇，由$88至$368，豐儉由人， 鍾意食豪啲就食豪啲。 今次我哋就選擇咗中等價錢嘅C餐$168， 可以無限添加肩胛牛肉，牛脷同黑豚肉， 而且我哋仲追加咗刺生放題$39， 埋單每人都只係二百蚊鬆啲，認真抵食。先講下【刺身拼盤】， 有甜蝦、刺身蝦、三文魚、鱆紅魚，質素尚算新鮮， 而且夠曬冰凍， 我最鍾意就係食三文魚， 夠曬肥美，加$39可以食個刺身拼盤做前菜， 認真抵~講返推介嘅【黃金雞木瓜椰子湯】， 呢個湯底由於加咗印度黃皮椰子煲， 所以飲落非常清甜順喉。而黃金雞亦非常鮮味， 為咗令食客可以品嚐到最鮮嫩嘅滑雞， 呢間火鍋店特意設置漏斗一個， 反轉漏斗時間一到， 就可以品嚐到最新鮮最嫩滑嘅雞塊。假如選擇黃金雞椰子湯底， 更有兩種特色嘅醬料， 第一款係青檸汁， 酸酸咪咪，甚有東南亞風味。 第二款係原粒沙薑碎， 平時沙薑醬就食得多， 鮮沙薑就真係第一次食， 用嚟配鮮雞特別夾。講下d牛肉， 呢度任食肩胛
呢間《Hey囍》打日式火鍋放題旗號， 有多個價錢選擇，由$88至$368，豐儉由人， 鍾意食豪啲就食豪啲。 今次我哋就選擇咗中等價錢嘅C餐$168， 可以無限添加肩胛牛肉，牛脷同黑豚肉， 而且我哋仲追加咗刺生放題$39， 埋單每人都只係二百蚊鬆啲，認真抵食。
先講下【刺身拼盤】， 有甜蝦、刺身蝦、三文魚、鱆紅魚，質素尚算新鮮， 而且夠曬冰凍， 我最鍾意就係食三文魚， 夠曬肥美，加$39可以食個刺身拼盤做前菜， 認真抵~
講返推介嘅【黃金雞木瓜椰子湯】， 呢個湯底由於加咗印度黃皮椰子煲， 所以飲落非常清甜順喉。而黃金雞亦非常鮮味， 為咗令食客可以品嚐到最鮮嫩嘅滑雞， 呢間火鍋店特意設置漏斗一個， 反轉漏斗時間一到， 就可以品嚐到最新鮮最嫩滑嘅雞塊。
假如選擇黃金雞椰子湯底， 更有兩種特色嘅醬料， 第一款係青檸汁， 酸酸咪咪，甚有東南亞風味。 第二款係原粒沙薑碎， 平時沙薑醬就食得多， 鮮沙薑就真係第一次食， 用嚟配鮮雞特別夾。
講下d牛肉， 呢度任食肩胛牛質素相當高， 雪花均勻，牛味濃， 雖然每次點片數唔多，但勝在唔會放得太耐， 唔會出曬血水。 黑豚肉片亦唔錯， 豬味夠但又唔騷。
呢間餐廳最得我歡心嘅， 就係呢個自助蔬菜站， 有成20款新鮮蔬果， 各適其適，應有盡有。 可以隨自己嘅喜好， 選擇鍾意嘅蔬菜， 鍾意食一棵又得， 兩舊又得， 非常flexible。而且每種蔬菜都非常新鮮， 食落夠曬健康。
除此之外， 亦有各種嘅丸類同腸仔， 啱曬一種食肉獸。
另外特別推介， 綠茶拉麵， 綠茶吸收咗椰子雞湯嘅精華， 就算唔加醬汁， 都非常入味， 簡直係為整個火鍋作完美終結。
呢度有飲品櫃可以自己攞嘢飲， 仲有個甜品counter， 有自助軟雪糕， 仲可以加埋糖粒， 整色整水。
呢間餐廳價錢非常優惠， 而且食物質素又高， 坐得又舒服， 難怪吸引咁多打工仔放工嚟食啦~
張貼
