影片
更多
2024-06-28
1260 瀏覽
雖然Openrice好多好評，但由於打手太多，所以唔敢盡信😂。趁某APP訂枱有半價優惠，BOOK左星期一晚6點去試😏。餐廳有二十個位，當時只有一枱食客。大概7點半左右，人流依然唔多，全場只有半滿。我地兩個人點左兩款主菜同一款小食，食物份量唔會因為半價而縮水之餘，仲幾大份下，我地都食到好飽!!🙈小食叫左芝士煙肉薯條$68(原價)即使以原價嚟講，份量都好合理，兩個人share剛剛好。芝士似係用火槍燒溶，所以薯條食落有少少火炙味；鹹香嘅煙肉唔係脆口，口感偏硬少少；幼身薯條入口無咁薯香，同埋唔脆。好彩拉絲芝士同冰凍嘅酸忌廉挽回少少分數，整體OK，不過有改善嘅空間。主菜本身想試下佢地個霹靂雞，但發現原來係我最唔中意嘅春雞🙉，所以最後改左BBQ豬骨。BBQ豬骨$178(原價)估唔到呢個價錢可以食到八支骨!!😯 出面好多餐廳起碼賣二百蚊以上。BBQ醬微辣、唔太酸，食落醬汁唔會太濃；排骨焗到啱啱好，好輕鬆就可以骨肉分離，又唔痴牙。😋個餐配嘅薯條是粗薯條，有薯香、而且脆。🤤沙律菜都唔馬虎，已經完全瀝乾水、而且幾新鮮。另一款主菜叫左Prime Angus 12oz $428(原價)本身叫左5成熟，不過ov
餐廳有二十個位，當時只有一枱食客。大概7點半左右，人流依然唔多，全場只有半滿。
我地兩個人點左兩款主菜同一款小食，食物份量唔會因為半價而縮水之餘，仲幾大份下，我地都食到好飽!!🙈
小食叫左芝士煙肉薯條$68(原價)
芝士煙肉薯條
$68
7 瀏覽
0 讚好
0 留言
即使以原價嚟講，份量都好合理，兩個人share剛剛好。芝士似係用火槍燒溶，所以薯條食落有少少火炙味；鹹香嘅煙肉唔係脆口，口感偏硬少少；幼身薯條入口無咁薯香，同埋唔脆。
芝士煙肉薯條
$68
13 瀏覽
0 讚好
0 留言
好彩拉絲芝士同冰凍嘅酸忌廉挽回少少分數，整體OK，不過有改善嘅空間。
主菜本身想試下佢地個霹靂雞，但發現原來係我最唔中意嘅春雞🙉，所以最後改左BBQ豬骨。
BBQ豬骨$178(原價)
BBQ豬骨
$178
11 瀏覽
0 讚好
0 留言
估唔到呢個價錢可以食到八支骨!!😯 出面好多餐廳起碼賣二百蚊以上。
BBQ醬微辣、唔太酸，食落醬汁唔會太濃；排骨焗到啱啱好，好輕鬆就可以骨肉分離，又唔痴牙。😋
BBQ豬骨
$178
1 瀏覽
0 讚好
0 留言
個餐配嘅薯條是粗薯條，有薯香、而且脆。🤤
沙律菜都唔馬虎，已經完全瀝乾水、而且幾新鮮。
另一款主菜叫左Prime Angus 12oz $428(原價)
Prime Angus 12oz
$428
2 瀏覽
0 讚好
0 留言
Prime Angus 12oz
$428
5 瀏覽
0 讚好
0 留言
本身叫左5成熟，不過overcook；肉質少少韌，但食落幾有牛味，如果生番少少會比較好。
牛扒碟邊放左少少蒜鹽，沾個鹽嚟食，我覺得好加分!
另外仲有個牛扒汁配埋，食落比較韓式；職員另外亦比左個芥茉醬，一塊扒可以試到三款口味。
跟埋嘅薯菜亦不容忽視，煎到好香嘅菜，同埋外脆內粉嘅薯仔粒。🤤
我反而覺得服務更令我印象深刻👍，職員好細心，主動搬張櫈比我地放袋、又拉張枱比我地放食物、主動斟水、拎碟比我地share食物、問我地食物意見等等，好多小細節，都睇得出餐廳好比心機經營，希望佢地可以繼續做落去!!
最後半價連原價加一後，共$405，非常抵!!
題外話，原來餐廳蓬星期二做牛扒買一送一promotion，大家有興趣可以去試。
張貼
