串燒陣

營業中

休息中

Openrice訂咗位準時七點三入座，鋪頭面積唔大，目測應該大約只有約20個位左右，QR code 點菜，可能因為客人唔多，禮拜六晚飯時間，連埋我地得兩枱客，所以上菜速度好快，食物味道非常唔錯，尤其係燒香卜卜魚豆腐真心推介，另外每枱客都有提供燒爐幫串燒保溫，呢樣值得一讚，整體質素唔錯。去到八點左右就開始坐到八成，兩個人食咗唔算好多嘢，埋單$343，價錢合理，去開旺角又咁啱有興趣想食串燒嘅朋友，可以不妨去試吓，難得一間幾好食嘅小店希望大家支持，唔好俾佢咁快消失。