串串燒 by Season (已結業)

已經有一排冇食過串燒，喺附近行過見到門口裝修唔錯，再決定入去食。睇點餐紙價錢比其他舖頭都低，而且款式都好多！！嗌左兩杯柚子茶，估唔到size係啤酒杯咁大杯，好有驚喜！最吸引最特別嘅係嗌咗玉子肉鬆燒，焗芝士七味雞翼同埋清酒煮蜆！未試過食玉子燒係有埋肉鬆喺上面，冇諗過咁match! 大元貝同雞翼既芝士好似唔洗$咁激多！而一上枱，兜清酒煮蜆勁香，d蜆都好脹卜卜好肥美！嗌咗唔同款嘅串燒，各款肉類都燒得好滑，肉質唔會柴！雞軟骨脆卜卜，茄子夠惹味，因為有好多孜然粉同埋蒜蓉！今次燒烤嘅性價比都好高！價錢唔貴但係質素好好，我下次同朋友食燒烤都會嚟返呢間度食！