鮨鳶

營業中

休息中

見到有IG KOL介紹呢間，原本見到OpenRice嘅食評呢都有少少卻步，但見佢做緊第二位有半價優惠就試吓啦！一入到去餐廳一見到係居酒屋以為中伏，但原來食廚師發板係有自己一個區域，入到去d裝修都幾靚，serve我嗰台嘅師傅呢就好友善同健談，好詳細咁介紹每一件壽司，我地叫咗$460 十二件嘅餐，啲壽司幾厚身，唔會簿切切，而且都好新鮮，我最鍾意呢有一件係甜蝦再加蝦頭嘅蝦膏，因為個蝦膏超級鮮甜；仲有海膽都好正，佢係落好多，但我竟然掛住食唔記得咗影相😅；佢仲有啲比較少見嘅壽司有一件叫唔知咩血引😂喺出面好少見；食到最後覺得好飽，然後呢師傅已經準備緊夜晚嘅食材，拎咗啲有好多春嘅雌性松葉蟹出嚟拆肉，同埋介紹夜晚個廚師發板係有25道菜，講到好吸引，令人好想試！總括然而呢我覺得係抵食嘅，因為折完之後呢兩位係七百幾蚊，廚師發板來講算平，而且師傅好客嘅態度呢係加分嘅，所以個OpenRice得咁少好評呢係有啲出奇，呢間餐廳呢我係會回頭食的！