德美壽司 (新都城中心1期) (已結業)

今晚去咗寶琳既德美壽司，店員安排我坐喺Bar枱，一邊食嘢之餘，仲可以一邊可以睇到廚師製作食物，感覺非常治癒。士多啤梨汁鐵板鵝肝鵝肝經鐵板燒後好香口，而且幾乎入口即溶，口感幼滑，與香脆的多士一同食用，大大減去油膩的感覺，整體味道令人難以忘懷。洋風鰻魚飯班戟呢個班戟fusion 十分推介俾大家，班戟皮有蛋香，而且仲係熱騰騰即製，裡面包有香口嘅鰻魚、蟹子、青瓜條等，味道好夾！牛油果軟殼蟹卷軟殼蟹卷比想像中大件，配有軟綿的牛油果，內裡的軟殼蟹同樣夠大隻，炸得香脆，性價比高。