星怡 (已結業)

朋友今晚約咗黎呢間新加坡餐廳，我好少食新加坡菜，估唔到都有驚喜，都幾好食。黑松露香煎鮑魚好香黑松露，牛油同白酒嘅香味，鮑魚都勁新鮮，佢地完全冇overcook鮑魚，所以食落好嫩，完全唔韌，加埋黑松露嘅香味，好正。特大雞肶辣死你亞媽配椰漿飯份量真係好大份，隻雞肶好大隻，外皮炸到勁脆，雖然係雞肶，但唔會好肥，已經炸晒d雞油出黎，所以一d都唔肥膩，勁正，而椰漿飯味道好香濃嘅椰子香味，配埋雞肶食match。黏蛋油酥餅配咖喱雞球咖喱味好香濃，加埋上面有椰漿，令到個咖喱增添香味，而雞肉都好嫩滑，油酥餅mix雞蛋，勁正，用油酥餅點咖喱，正。斑斕咖央多士好香斑斕味，咖央味好濃，烘到熱辣辣嘅多士加埋涷冰冰嘅牛油，勁正。