大丈夫食堂 (已搬遷) 新店位置

2018年最後一日，梗要食餐好慰勞下過去一年嘅辛勞，為2018年最後一個工作日落個完美句號！大丈夫係出名多人排嘅食店，試過係繁忙嘅lunch排左40分鐘先有位！但今次係好想食嘅心驅使下，早左十分鐘出嚟攞位！策略成功，等左10分鐘左右就有位！佢每個午餐定食都跟沙律、日式蒸蛋、漬物同麵豉湯，價錢由$58至$98不等，免加一！今次叫左壽司烏冬定食，品質依然！有5舊壽司，壽司都係啲常見嘅普通嘅，但係新鮮嘅，仲有我至愛嘅腐皮烏冬，腐皮係兩大塊架！份量都足夠，重點係佢只係$58咋！！絕對係抵食之選！同事仔就叫左個三文魚飯，有十塊三文魚蓋過晒啲飯，好豐富喔！呢個就貴少少，要$68！$68有魚生飯喎，勁抵！今日有個小插曲，日式蒸蛋製作機壞左，侍應姐姐逐枱逐枱問會唔會考慮轉玉子，蒸蛋可能要等好耐！其實佢可以一言堂一開始講今日餐單轉送玉子，佢都有考慮食客嘅意慾，都係值得讚！