影片
更多
2023-01-07
74 瀏覽
Book唔到珍姐唔緊要，尋晚去呢間真·高質日式A5和牛，好掂！（雖然都係要早大半個月book定）應該再冇機會再試佢嘅麻辣火山鍋底（之前賣新聞話爆炸淥親人嗰個），但尋晚食呢個玫瑰芝士湯底非常唔錯！再加埋佢嘅任叫A5和牛，味道好夾！再加埋每人一份勁新鮮嘅燒焗海產（兩隻廣島蠔，一隻元貝，一隻蝦），我好耐冇試過完全唔使點醬汁打邊爐！不過啲肉要早少少叫，因為佢應該係預先切定急凍，所以上枱嗰陣有啲硬未解好凍，但解咗凍之後淥依然係好好食嘅！另外佢啲冷盤小食都好好味，尤其是佢個麻辣爽脆魚皮，我哋結果三個人叫咗六碟嚟送啤酒吹水，超正！另一驚喜嘅，就係本來我哋19:15入座只可以坐到21:15 ，但可能冇下一輪客，結果我哋可以坐喺度吹水吹到差不多23:30先走，當然冇得再叫嘢食（但其實我哋已經飽到食唔落），啲職員服務態度又非常好！之前網上啲負評話服務差可以不理，有啲嘢真係要親身試過先知嘅！連埋任飲啤酒同埋加一，埋單$500一個人落樓，真心覺得值！絕對可以再encore ！
應該再冇機會再試佢嘅麻辣火山鍋底（之前賣新聞話爆炸淥親人嗰個），但尋晚食呢個玫瑰芝士湯底非常唔錯！
再加埋佢嘅任叫A5和牛，味道好夾！再加埋每人一份勁新鮮嘅燒焗海產（兩隻廣島蠔，一隻元貝，一隻蝦），我好耐冇試過完全唔使點醬汁打邊爐！不過啲肉要早少少叫，因為佢應該係預先切定急凍，所以上枱嗰陣有啲硬未解好凍，但解咗凍之後淥依然係好好食嘅！另外佢啲冷盤小食都好好味，尤其是佢個麻辣爽脆魚皮，我哋結果三個人叫咗六碟嚟送啤酒吹水，超正！
另一驚喜嘅，就係本來我哋19:15入座只可以坐到21:15 ，但可能冇下一輪客，結果我哋可以坐喺度吹水吹到差不多23:30先走，當然冇得再叫嘢食（但其實我哋已經飽到食唔落），啲職員服務態度又非常好！之前網上啲負評話服務差可以不理，有啲嘢真係要親身試過先知嘅！
連埋任飲啤酒同埋加一，埋單$500一個人落樓，真心覺得值！絕對可以再encore ！
北海道豆乳玫瑰芝士鍋
8 瀏覽
0 讚好
0 留言
A5和牛
8 瀏覽
0 讚好
0 留言
燒焗新鮮日本海產
5 瀏覽
0 讚好
0 留言
麻辣涼拌魚皮
11 瀏覽
0 讚好
0 留言
啤酒任飲
$38
74 瀏覽
0 讚好
0 留言
張貼
