影片
更多
2023-04-30
53 瀏覽
性價比高之選‼️必食鵝油撈麵‼️炯記餐室喺港九新界都有分店， 主打有手撕雞同燒味，啱晒港人口味，夠地道😋而且價錢相宜。長沙灣分店裝修簡潔明亮，我覺得有啲似Cafe，仲好乾淨👍🏻一定要食嘅鹽焗手撕雞拼腸粉，手撕雞仲可以揀麻辣☺️不過我哋覺得鹽焗同腸粉嘅麻醬同甜醬襯啲。雞肉好嫩滑，好夠味，仲隱藏一隻雞翼😂腸粉份量都幾多，一個人淨係食呢份都應該會食飽，$38真係超抵。腩叉撈麵，腩叉即係三層肉位置，唔係度度有架🐷入口十分鬆化，又軟又香。而撈粗用鵝油嚟撈，邪惡度爆燈，不過好食程度亦成正比，味道香濃，麵嘅質地亦唔錯，有咬口。越式香茅雞翼煎蛋飯，雞翼煎得好鬼靚啊🤤外層煎到好脆，亦好入味🐔飲品方面都好有心思，除咗一般茶記飲品，仲有好多特飲，所以我哋都唔執輸，飲咗菠蘿四季春烏龍茶🍍同埋阿華田五穀特飲，跟餐價都係加$10咋😜
炯記餐室喺港九新界都有分店， 主打有手撕雞同燒味，啱晒港人口味，夠地道😋而且價錢相宜。長沙灣分店裝修簡潔明亮，我覺得有啲似Cafe，仲好乾淨👍🏻
一定要食嘅鹽焗手撕雞拼腸粉，手撕雞仲可以揀麻辣☺️不過我哋覺得鹽焗同腸粉嘅麻醬同甜醬襯啲。雞肉好嫩滑，好夠味，仲隱藏一隻雞翼😂腸粉份量都幾多，一個人淨係食呢份都應該會食飽，$38真係超抵。
腩叉撈麵，腩叉即係三層肉位置，唔係度度有架🐷入口十分鬆化，又軟又香。而撈粗用鵝油嚟撈，邪惡度爆燈，不過好食程度亦成正比，味道香濃，麵嘅質地亦唔錯，有咬口。
越式香茅雞翼煎蛋飯，雞翼煎得好鬼靚啊🤤外層煎到好脆，亦好入味🐔
飲品方面都好有心思，除咗一般茶記飲品，仲有好多特飲，所以我哋都唔執輸，飲咗菠蘿四季春烏龍茶🍍同埋阿華田五穀特飲，跟餐價都係加$10咋😜
張貼
