舊機場車仔麵

營業中

休息中

啟德呢間車仔麵裝修咗好耐，見啟德group 評價都幾兩極，但呢頭真係美食沙漠完全無咩嘢食，見幾十蚊就落去試吓水準如何。環境方面用返舊機場幾有心思，價錢喺呢區算係平，三餸都係$48，本身想試豬潤但賣晒，最後揀蘿蔔、牛腩、豬腸三餸加辣汁。車仔麵個湯好緊要，飲落唔口渴無味精，必備嘅蘿蔔炆得算淋無渣，牛腩都幾入味，三樣最好食係豬腸，有啲肥膏但無怪味，份量都正常發揮，最緊要食完唔覺口渴唔覺有味精，整體都算唔錯。