影片
更多
2023-02-09
115 瀏覽
聽朋友講麗晶花園果邊有間烤魚同雞煲好抵食，就約埋佢一齊試下。本身二人烤魚餐都好吸引，但因為見到Menu 上有出面好少見嘅蛇丸，就決定散叫回味酸菜烤魚 ($228, 8.5/10)今日想食得清淡啲，所以揀咗唔辣嘅酸菜烤魚。雖然我地叫嘅係細烤魚，但一上枱見到呢條魚差唔多有一隻前臂咁長，仲有半邊咁多，心諗應該可以call多個人一齊食😂 呢條鯇魚肉質相當實淨，而且冇腥味，相信係因為烤之前有炸過。烤魚嘅骨唔算多，而且都係大骨為主，小心啲食就ok。烤魚嘅配料好豐富，除左酸菜，有大豆芽，豆卜，萵筍，秀珍菇，全部都好索汁好入味。如果多人一齊食嘅話，仲可以加其他配料，望到個價錢都唔算太貴。湯底除左帶酸同麻，仲有微微辣味，唔會話太咸太重口味小炒肉 ($88, 8.5/10)小炒肉主要材料係豬腩片，青尖椒同紫洋蔥，整體調味偏向甜辣，唔食辣嘅人都食到。豬腩肉份量唔少，煮得好惹味，而青尖椒同紫洋蔥好爽甜，但唔會覺得好辛辣。成碟餸好有鑊氣，屋企電磁爐真係做唔到呢d 效果蛇丸 ($98, 9/10)店員話蛇丸係餐廳獨創嘅菜式，一碟有4粒，每粒都好似乒乓波咁大粒。蛇丸新鮮熱辣辣炸起，外面係一層薄脆嘅面包糠，入面就係蛇
回味酸菜烤魚 ($228, 8.5/10)
今日想食得清淡啲，所以揀咗唔辣嘅酸菜烤魚。雖然我地叫嘅係細烤魚，但一上枱見到呢條魚差唔多有一隻前臂咁長，仲有半邊咁多，心諗應該可以call多個人一齊食😂 呢條鯇魚肉質相當實淨，而且冇腥味，相信係因為烤之前有炸過。烤魚嘅骨唔算多，而且都係大骨為主，小心啲食就ok。烤魚嘅配料好豐富，除左酸菜，有大豆芽，豆卜，萵筍，秀珍菇，全部都好索汁好入味。如果多人一齊食嘅話，仲可以加其他配料，望到個價錢都唔算太貴。湯底除左帶酸同麻，仲有微微辣味，唔會話太咸太重口味
小炒肉 ($88, 8.5/10)
小炒肉主要材料係豬腩片，青尖椒同紫洋蔥，整體調味偏向甜辣，唔食辣嘅人都食到。豬腩肉份量唔少，煮得好惹味，而青尖椒同紫洋蔥好爽甜，但唔會覺得好辛辣。成碟餸好有鑊氣，屋企電磁爐真係做唔到呢d 效果
蛇丸 ($98, 9/10)
店員話蛇丸係餐廳獨創嘅菜式，一碟有4粒，每粒都好似乒乓波咁大粒。蛇丸新鮮熱辣辣炸起，外面係一層薄脆嘅面包糠，入面就係蛇肉，蝦肉，冬菇，木耳等，食落好彈牙，有啲似食緊百花釀蟹鉗
另外值得一讚嘅係餐廳服務十分周到，態度友善，成日留意住我地有冇需要，亦會主動加水，加湯，同埋介紹菜式。餐廳環境亦幾闊落舒服，同埋唔會話坐得耐要趕住交枱👍🏻
張貼