影片
更多
2022-08-29
109 瀏覽
今日荔枝角飲完啡，順便呢頭搵下野食，經過呢間新開嘅地舖居酒屋，望下餐牌價錢唔貴，就入去試試。叫咗個特上海膽丼，入面有齊海膽、牡丹蝦、帶子、蟹籽、玉子，海膽唔算大塊但新鮮實淨，入口亦鮮甜冇腥味；牡丹蝦甘香彈牙；帶子上面仲加左少許三文魚籽做點綴；蟹籽同玉子都非常適合撈飯。小食北海道炸甜蝦香脆可口，只上少許炸粉，直接炸的蝦殼更加惹味，滴埋檸檬汁同點埋蛋黃醬停不了口。炸物仲叫左沙錐魚天婦羅試下，炸衣厚薄適中，魚身亦唔會有過剩油膩感，熱辣辣好好味。串燒就揀咗和牛大蔥串同埋牛油煙肉荔枝卷兩款，和牛大蔥嘅燒汁甘甜，和牛粒都軟腍冇渣；煙肉包荔枝都好特別，煙肉沾上荔枝嘅果汁亦能開胃。綜觀呢度啲野食性價比都幾高，下次搵朋友嘆完啡又可以嚟食好西！
叫咗個特上海膽丼，入面有齊海膽、牡丹蝦、帶子、蟹籽、玉子，海膽唔算大塊但新鮮實淨，入口亦鮮甜冇腥味；牡丹蝦甘香彈牙；帶子上面仲加左少許三文魚籽做點綴；蟹籽同玉子都非常適合撈飯。
小食北海道炸甜蝦香脆可口，只上少許炸粉，直接炸的蝦殼更加惹味，滴埋檸檬汁同點埋蛋黃醬停不了口。
炸物仲叫左沙錐魚天婦羅試下，炸衣厚薄適中，魚身亦唔會有過剩油膩感，熱辣辣好好味。
串燒就揀咗和牛大蔥串同埋牛油煙肉荔枝卷兩款，和牛大蔥嘅燒汁甘甜，和牛粒都軟腍冇渣；煙肉包荔枝都好特別，煙肉沾上荔枝嘅果汁亦能開胃。
綜觀呢度啲野食性價比都幾高，下次搵朋友嘆完啡又可以嚟食好西！
張貼
