世澄日本料理 (億利工業中心) (已結業)

荔枝角嘢食價錢不嬲都幾親民，今次呢間日本料理性價比都幾高，食物嘅選擇都幾多，夜晚都有丼飯揀(⁎⁍̴̛ᴗ⁍̴̛⁎)世澄特盛丼 有齊牡丹蝦、拖羅、海膽、拖羅蓉、三文魚、油甘魚、帶子、魚子、玉子，啱曬貪心的我🤣其他份量相對少，三文魚同油甘魚就各有兩片三文魚丼都幾抵食，68有5大片，刺身都幾新鮮，不過如過切厚身啲會好食啲ಥ_ಥBtw佢地仲做緊優惠可以加20蚊優惠價就有多3片三文魚刺身！幾抵食(⁎⁍̴̛ᴗ⁍̴̛⁎)

荔枝角搵食真係好方便， 來到世澄食日本野座得舒服，可以慢慢食。🔯 世澄四彩刺身丼 ～ 謙謙一見丼飯就心心眼， 呢碗有齊魚子、三文魚、帶子和油甘魚 就岩哂佢， 每款新鮮厚切。🔯 日式吉列豬扒稻庭烏冬 ～ 今次我反而想食熱野， 點了個稻庭烏冬湯底就係辛辣地獄湯味道屬微辣開胃， 豬扒夠香脆。🔯 牛油果軟殼蟹卷 ～ 外層軟綿綿的牛油果，中間脆卜卜的軟殼蟹好夾喎。🔯 三文魚刺身 ～ 優惠價 20蚊 3片， 鮮甜肥美抵食。🔯 蟹籽沙律 ～ 跟餐加15蚊， 拌勻蟹籽和青瓜絲一口過咬好爽甜。

-極上牛肉鍋98$🍲正宗風味嘅日式牛肉鍋，配料好足，裏面有海苔櫻花蝦乾等等，令到個湯底升華到變咗做主角。呷一口湯，吃一羹肉和菜。-親子四彩刺身丼86$🍱(油甘魚、三文魚、帶子、魚子）+溫泉蛋（追加）呢個真係抵食，大大塊嘅刺身放係面，睇同食都係咁新鮮。-特上海膽丼90$🍚（牡丹蝦、海膽、帶子、蟹子、玉子）同樣足料，食材上乘，例如海膽唔會有澀味，係靚既海膽。蟹子更加係多到滿瀉。-免治軟骨雞肉棒58$用蓮藕雕成既櫻花🌸陪襯，好日系好和風。雞肉棒粒粒軟骨有口感，沾上蛋黃同燒汁🥹

今日幫完朋友結婚既野就入嚟試下新開既日本餐廳。極上牛肉鍋 $98如果有埋爐上會有風味啲，份量ok。好多娃娃菜係底，金茹少左少少，哈哈！牛肉唔算多肥，依個幾好既！豬骨湯底幾濃，應該要配過烏冬先得。北海道刺身丼 (北寄貝、蟹肉、帶子、魚子、蟹子、玉子) $98碗比一般外面食細，但飯量多都有1.5碗到，視覺上係細。刺身都幾新鮮。蟹肉同魚子配飯真係好鮮！最衰話海膽賣晒，否則就好好食啦！玉子切到細細件，食多幾回，甜度剛好。親子四彩刺身丼 (油甘魚、三文魚、帶子、魚子) $78油甘魚幾香口帶油，三文魚同魚子配紫蘇葉食幾好，無咁滿滿油口。整體都ok，係荔枝角新嘗試餐廳。

💡性價比高日本料理喺荔枝角億利工業中心地下原來有間價錢親民，質素不錯嘅日本料理，食物嘅選擇亦非常之多，有丼飯、刺身、手卷、串燒等，一定有樣啱你心水。🍽北海道刺身丼餐廳提供多款嘅丼飯，由於去到當日冇海膽，所以選擇左北海道刺身丼，有六款刺身，包括：北寄貝、蟹肉、帶子、魚子、蟹子同玉子，飯量適中，刺身新鮮，都相當滿足。🍽蒲燒肥厚鰻魚飯今次叫咗加倍份量嘅鰻魚，真係份量十足，兩大塊，勁厚身。鰻魚汁係比較甜嘅嗰一種，加上蛋同紫菜配埋飯一齊食，中和返剛剛好。🍽牛油果軟殼蟹卷軟殼蟹炸得啱啱好，蟹既肉身又厚又夠脆唔肥膩，加上剛熟非常creamy既牛油果，但嘅份量又唔會太多，好食。🍽三文魚壽司三文魚幾厚切、肥美，飯嘅溫度亦剛剛好，不錯。

見到喺荔枝角站返屋企嘅巴士站附近竟然有間日本嘢 （但係每次都係好忙碌咁去最巴士冇留意到😂）見仲有啲時間就不如食個快飯試一試10月仲係咁熱🫠繼續食涼快嘅嘢上網睇都幾多好評～～而且價錢都唔算好貴加上都有好多唔同嘅丼飯選擇 都有好多配搭㗎平貴都有～北海道刺身丼 $98(北寄貝、蟹肉、帶子、魚籽、蟹干、玉子）特上海膽丼$90（牡丹蝦、海膽、帶子、蟹籽、玉子）額外加咗多個茶碗蒸、麵豉湯＋沙律材料都算豐富 充滿蟹籽同埋玉子北海道刺身當入邊嘅蟹肉連埋蟹鉗一齊出嚟😆蝦同埋帶子都幾鮮甜賣相幾精美😊👍🏻雖然個碗唔係好大 但係成個丼飯擺得滿滿的小巧精緻我哋再嗌多咗個牛肉鍋$98～～熱辣辣上枱，食完生冷食物嘢暖下胃啱啱好😆

同朋友喺D2睇戲之前去食個飯，就近近地去咗呢間日本料理。叫咗一個丼飯同兩個鍋物兩份食。
《 世澄 海鮮丼 $85 》有海膽、油甘魚、三文魚 。份量唔多，岩兩個女仔食。油甘魚同三文魚都油潤，醋飯都幾煙韌。《 極上牛肉鍋 $98 》牛肉幾嫩，加上有半熟蛋入口香滑。另外有金菇、菜、香菇。如果可以配埋烏冬仲好味。


《 日式關東煮鍋 $88 》天氣涼涼地就諗起喺日本會買關東煮食。呢個鍋都有基本嘅獅子狗、蒟蒻、海帶、蘿蔔同雞蛋，清清哋掛湯都好味。



前排去完d2 place諗住係附近搵間餐廳食野，行行下見到有間開左冇耐既日本料理，所以決定同朋友一試，menu選擇都幾多元化，所以決定同朋友一試，味道唔錯有驚喜 世澄海鮮丼 $138見倒枱枱都有叫梗係要叫一款黎試下，呢款北海道刺身丼入面既配料都好豐富，包括北寄貝、蟹肉、帶子、魚子、蟹子同玉子，刺身都好新新鮮，如果份量多啲會更理想Lunch仲會包前菜、麵豉湯同沙律 三文魚刺身3片（追加） $20佢地仲做緊優惠可以優惠價追加小食同刺身，三文魚刺身都幾厚身，食落去幾特別日式炸雞 （3件）（追加）$20大大舊雞肉幾嫩滑，味道香口 蟹柳天婦羅 $78炸粉唔會太厚，配上醬汁食落香口惹味，值得一試

🥢海膽軍艦(2件) $45呢個價錢食海膽抵食, 而且海膽份量唔細, 新鮮唔腥🫶🏻 海膽係我心中真係無得輸, 因為朋友唔食唯有我享受左佢😎😎😋: 🌟🌟🌟🌟🌟/5🥢世澄蟹肉三色卷(蟹膏,蟹肉,蟹籽) $88凈係講呢3樣材料攪埋就知正啦, 蟹籽粒粒增添口感, 而且都份量都足夠😋: 🌟🌟🌟🌟🌟/5🥢磯煮鮑魚 $80爽口鮮甜既鮑魚, 2件分四份但一下子就好快食哂😋: 🌟🌟🌟🌟/5🥢泡菜豚肉鍋 $98起初以為有埋烏冬/粉絲係底墊住, 點知成煲都係豚肉再加蔬菜配料, 十分之足料👍🏻😋: 🌟🌟🌟🌟🌟/5🥢燒雞泡魚干 $48呢個係串燒部分最鍾意 必食既, 正常發輝唔錯👍🏻😋: 🌟🌟🌟🌟🌟/5🥢日式餃子配稻庭烏冬(豬骨湯)個餃熱騰騰又香脆咁上枱, 好好食而且好大隻, 個烏冬我加埋落泡菜豚肉鍋度食, 自行完滿個菜式🙊 😋: 🌟🌟🌟🌟/5🍹白桃梳打😋: 🌟🌟🌟🌟/5🍹西柚梳打😋: 🌟🌟🌟🌟/5

佢對住公路 馬路嗰邊都幾易搵 不過留意門口正正有幾個巴士站人多嘅時候可能無咁覺眼特盛海鮮丼 $178 🙆🏿‍♀️有蟹鉗、蟹膏、蟹肉、鮑魚、帆立貝、玉子蟹鉗有2隻 肉質軟滑 開晒殼 食用方便蟹膏味道好濃郁同鮮甜且味道較淡嘅蟹肉撈埋一齊食就啱啱好絲絲蟹肉可以令口感同味道都提升磯煮鮑魚唔會太鹹 又鮮嫩又彈牙燒帆立貝相對比較多汁 微微燒焦好香口特上海膽丼 $90 🙆🏿‍♀️有牡丹蝦、海膽、帶子、蟹子、玉子呢碗性價比幾高又海膽又帶子先係$90牡丹蝦又大又爽口 而且食落夠鮮海膽除咗入口即溶之外 味道濃郁鮮甜😋一大粒帆立貝一開二 鮮爽帶甜 質地柔軟上面仲有三文魚籽做襯托 帶有海水鹹味 一咬即破蟹子份量好多 粒粒分明 並且爽脆可口 好啱撈飯最後豐厚嘅玉子都不容忽視 好鬼甜🤤呢個價錢算係咁了😆 蟹子沙律 $15 💁🏿‍♀️因為午市先包味噌湯、沙律同前菜又突然好想食沙律就叫咗最穩陣嘅好多沙律醬 夠邪惡😍蟹子同丼飯嘅一樣 夠晒脆三文魚腩壽司 (2件) $28 🙆🏿‍♀️因為食食吓發現2碗都無三文魚小妹覺得好唔慣就叫😂嚟到目測都已經覺得幾厚切幾肥美食落啖啖滋味 油脂感💯Coke Zero $12加分欄⭕️ 服務態度良好

轉左荔枝角返工，前排收工去同事介紹嗰間日本餐廳食晚飯，因為佢哋有食開lunch，同埋好似話以前唔係呢個名。入到去見到有幾張卡位枱，返工返咗成日好攰諗住舒舒服服咁食晚飯，所以一入到去即刻提出要求坐卡位，着制服嘅女侍應就安排我們入坐，點知企在收銀機入邊嗰個冇著制服短頭髮女士用手指指住叫停我哋，佢期間不斷手指指，叫我哋唔好坐卡位， 佢啲語氣好差令我哋覺得好難受，將我哋好似波咁拋來拋去不斷轉枱Number叫個侍應帶我哋去入坐，十分冇禮貌，好似命令我哋咁，其實我們只不過是客人。就係咁樣我哋坐咗喺中間嘅位置食飯，佢哋啲刺身新鮮，串燒都好好味。我哋食到差唔多佢收工，其實卡位有啲根本冇人坐，但係唔知點解佢唔俾我哋坐 。佢餐廳其他有着制服嘅侍應服務態度都好好，最諷刺嘅係我哋埋單嘅時候又係短頭髮個女士幫我哋，我哋用八達通俾錢聽到嘟聲，以為俾咗錢 ，點知佢又話唔得然後又用佢隻手指不斷指，命令我哋點做點做，其實咁樣既態度真係好差，成晚都不斷見到佢指指點點，去到最後走嘅時候都係受氣嘅。我同事都忍唔住”摺”返佢一聲。唔知佢係咪老細，如果以佢咁樣嘅服務態度間餐廳好快出名😅但係啲員工態度全部都好好成晚不斷幫我哋加茶，

喺荔枝角返工嘅人有口福了，荔枝角新開左一間日本菜，價錢非常親民，有刺身，壽司，卷物，炸物外，呢間日本餐廳仲主打日式丼飯，丼飯價錢有平有貴，餐廳仲主打拖羅丼同海膽丼，淨係見到Menu都流晒口水餐廳以小店經營，但裡面裝修非常有日本感覺，喺未搶到日本機票之前過嚟食返餐，可以當自己去咗一轉日本旅行🧳，裏面座位以卡位為主，坐得非常舒服✨極上雙色拖羅丼$188嚟到食拖羅嘅餐廳，當然要叫佢哋嘅招牌菜式，中拖羅有三片，赤身有三片，仲有大量甜蛋同青瓜做配菜，拖羅色澤鮮紅，油脂感爆發，入口即溶，全無筋位，赤身都非常鮮味，食丼飯主角當然係個飯底，用上優質日本珍珠米，飯嘅軟硬度適中，同溫度亦都好合適做魚生丼，以一個咁優惠嘅價錢食到拖羅丼，絕對係超值✨中拖羅手卷$55食咗一碗拖羅丼都唔夠喉，追加多個手卷，拖羅一樣厚切同油脂豐富，上菜嘅時候，紫菜仲好脆，飯嘅份量亦都剛剛好✨鰻魚牛油果卷$88造型賣相非常吸引，每一件飯卷上都有一大片鰻魚，鰻魚汁唔會搶咗鰻魚本身嘅鮮味，飯卷裏面嘅牛油果熟成度剛剛好，入口好creamy，同飯卷一齊食好夾

💁🏻‍♀️D2place呢邊超多餐廳，今日想食日本菜🇯🇵，見到呢間啲評價都唔錯😋，就入去試下，餐廳位於地鋪，環境裝修非常有日式風格🇯🇵，牆上有啲日本風油畫，簡單而雅致☺️。►🗻海膽富士山丼 限量供應 $180啲海膽出場好搶眼，堆滿到好似座山咁🗻，真係好多海膽😍，好香濃食落新鮮無腥味望落唔大碗，但食下食下原來飯量都幾多，好飽肚😜。►🐟三文魚腩刺身 $78就咁睇色澤都睇到好新鮮🥬，一共有五片，每一片都係厚切🤪，食得好滿足，油脂分布平均。〠總結 ▁ ▂ ▃ ☻ 4.5/5 Menu上超多選擇，一定有一款係岩心水，食物有質素，所以價錢比較進取，員工們服務好好👍🏻，見佢地同客人都打成一片，好開心好親切🥰

特上海膽丼$90牡丹蝦、海膽、帶子、蟹子、玉子上勝特盛丼$198牡丹蝦、拖羅、海膽、拖羅蓉、三文魚、油甘魚、帶子、魚子、玉子💓新鮮嘅食材、豐富滿滿的盛上，的確令人回味無窮。日本南瓜天婦羅$48日本蕃薯天婦羅$48💓蕃薯、南瓜廚師切到好厚身(炸漿就唔厚)日式茶碗蒸$20💓茶碗蒸平時只係感受到蛋嘅滑，但今次嘅茶碗蒸，食嘅時候已感到好香嘅香菇味，加上配搭蟹柳一點甜同蛋嘅滑，我覺得好好味。日本時令生蠔$68💓生蠔上放了一點點辣椒蘿蔔蓉同自製酸汁(平時通常放檸檬)今次除咗食到蠔嘅爽口，帶一點海水味，酸汁亦帶出鮮味，食到廚師心思嘅配搭，值得再食。

🍱特上海膽丼(牡丹蝦、海膽、帶子、蟹子、玉子) ($90)勁足料 勝價比高 所有刺身都好新鮮 雖然個丼飯碗比我想像中細 但d飯擺得好多好滿 食到好飽🍱北海道刺身丼 (北寄貝、蟹肉、帶子、魚子、蟹子，玉子) ($98)男朋友叫左另一個丼 d刺身都係好新鮮 值得一提係佢個蟹肉係連埋蟹鉗😋🍣三文魚刺身3片（追加）($20)而家正值世澄3週年 每叫一個套餐就可以以優惠價追加一個小食😎 大家唔好錯過😚松藥蟹膏軍艦2件 ($28)紫菜脆卜卜 而且師傅比既蟹膏都幾多 哈哈🤪🐔炸芝麻雞翼（2件）($35)雞翼新鮮炸起 唔會擺左係到好耐 配少少檸檬一流世澄日本料理 (億利工業中心) (荔枝角)📍荔枝角長沙灣道883號億利工業中心地下1B號舖