水木日本料理 (已搬遷) 新店位置

水木居酒屋裝修骨子，以木為主要材質，配上昏黃既燈光背景，坐得非常舒適。加之餐廳特別有射燈照住用餐既檯面，唔會暗到睇唔到食物睇唔到人，非常好既setting。午餐試左個燒銀鱈魚定食，魚係西京燒既做法，份量夠大，有男性手掌size, 厚厚地身而且肉嫩多油份, 師傅煮既時間拿捏得幾好，魚皮仲係外脆內韌。朋友食左個三色丼飯同滑蛋吉列豬扒丼，魚生部分都新鮮好食，無論吞拿魚蓉同海膽都對得起個價錢。吉列豬都多汁肉厚，加埋前菜三寶，茶碗蒸，沙律同麵豉湯，足夠飽肚。另外，茶碗蒸要點評係整得幾好食既。