影片
更多
2020-04-05
62 瀏覽
最近睇完大熱韓劇愛的迫降，於是成日都忍唔住心思思想去食炸雞，今次竟然比我搵到一間超抵食嘅炸雞，仲要係放題🍗！首先講講店面，都衛生整潔。仲有免費嘅廖袋借用添！而我今日食嘅放題就係呢一款，包括五款炸雞任食、人蔘雞湯配芝士紫菜飯、韓國芝士拉絲豬手、拉絲芝士紫菜卷蛋！都只係百幾蚊埋到單，真係抵到爛😂😂😂平時食炸雞都成二百蚊七八件到，唔好諗住佢好平，就應該質素麻麻地，想講炸雞嘅質素真係唔差喎，任食黎講性價比好高！炸雞口味有五款，包括芝士、蜜糖、甜辣醬、薑蔥同秘製醬油！店員會一次過送上五款炸雞俾大家試一試，唔夠喉嘅當然可以繼續任添啦！芝士味炸雞非常香口，外皮脆脆，而入面嘅雞肉一啲都唔乾身，仲幾Juicy添㗎 ！芝士味係有，不過就唔算好突出！另外我最鍾意嘅就係薑蔥，薑蔥炸雞係類似醬油炸雞咁，而上面加上一咋薑蔥，真係好惹味好夾！當然蜜糖味同秘製醬油味都幾好食，不過呢啲濕濕地嘅炸雞食落都幾飽，雖然話係任食，但係我同朋友食咗一轉之後就已經到飽啦，因為呢個餐仲有其他任食嘅項目㗎嘛！之後店員就會送上拉絲豬手，呢一個豬手比想像中有驚喜，豬手肉質軟稔，而且滷水味超濃郁，伴埋鐵板芝士拉絲真係夠晒邪惡！之後就到韓式蛋
首先講講店面，都衛生整潔。仲有免費嘅廖袋借用添！
而我今日食嘅放題就係呢一款，包括五款炸雞任食、人蔘雞湯配芝士紫菜飯、韓國芝士拉絲豬手、拉絲芝士紫菜卷蛋！都只係百幾蚊埋到單，真係抵到爛😂😂😂
平時食炸雞都成二百蚊七八件到，唔好諗住佢好平，就應該質素麻麻地，想講炸雞嘅質素真係唔差喎，任食黎講性價比好高！炸雞口味有五款，包括芝士、蜜糖、甜辣醬、薑蔥同秘製醬油！店員會一次過送上五款炸雞俾大家試一試，唔夠喉嘅當然可以繼續任添啦！
芝士味炸雞非常香口，外皮脆脆，而入面嘅雞肉一啲都唔乾身，仲幾Juicy添㗎 ！芝士味係有，不過就唔算好突出！
另外我最鍾意嘅就係薑蔥，薑蔥炸雞係類似醬油炸雞咁，而上面加上一咋薑蔥，真係好惹味好夾！
當然蜜糖味同秘製醬油味都幾好食，不過呢啲濕濕地嘅炸雞食落都幾飽，雖然話係任食，但係我同朋友食咗一轉之後就已經到飽啦，因為呢個餐仲有其他任食嘅項目㗎嘛！之後店員就會送上拉絲豬手，
呢一個豬手比想像中有驚喜，豬手肉質軟稔，而且滷水味超濃郁，伴埋鐵板芝士拉絲真係夠晒邪惡！
之後就到韓式蛋卷，
呢度嘅韓式蛋卷入面都主要係芝士同埋紫菜，而出面都鋪有鋪住茄醬同埋芥末醬，呢一度嘅所有嘢份量都好大份，每樣野只係上一次我已經食唔晒啦🤣🤣最後唔少得嘅當然有呢一個人蔘雞湯，
雖然人蔘味就唔重，但係雞嘅份量都真係唔少，啲雞好嫩，呢一個湯其實係一開始就上，俾你飲啖湯暖下胃，之後再食炸雞豬手蛋捲。最後店員其實仲會幫你做一個雞湯芝士紫菜撈飯，可惜到呢個時候我哋已經飽到食唔落啦，但如果大家多人嘅話可以試一試！最後係食炸雞點少得飲啤酒呢，呢度嘅啤酒都做緊買二送一！
總括而言百幾蚊食到呢一個仼食質素，其實真係算非常唔錯！
張貼
