影片
更多
2023-06-21
75 瀏覽
Briketenia - 北角📍北角渣華道123號北角匯二期2樓206號舖呢間係朋友介紹既，佢話性價比好高，view又靚。 睇menu，有3道菜套餐，都係三百至四百幾，真係幾抵，仲可以加多個甜品做四道菜🤣 真係飽到上口。香烤西冷牛扒配薯條 - $388 呢個餐咁啱做緊特價，好抵食。牛扒，我哋叫咗五成熟，未上枱已經聞到好香嘅烤肉味。切落去牛扒有彈性，識落口一啲都唔韌，仲帶啲牛味同油脂味。配菜方面變咗薯蓉，冇咁熱氣之餘，仲非常香滑。香煎海魚配蜆肉忌廉汁 - $388魚扒好大塊，外皮煎得非常香脆，有啲多餘嘅油脂都冇，皮上面有少少調味，但唔會過重，影響海鮮嘅鮮味，魚肉都好滑好Juicy. 忌廉汁都係加分嘅地方，好Creamy，但又唔會過膩。是日餐湯 - 跟餐呢個湯都幾特別，本身係一個大碟入面有啲麵包粒同菇，佢再用個壺倒啲湯入去，係南瓜湯黎既，南瓜蓉打軟，好滑，亦有南瓜既香甜。法式白酒煮青口- 跟餐酒味都算濃郁，最欣賞佢加左紅椒同蕃茄，望落顏色靚啲之餘，味道亦都多啲層次。青口都幾肥美。精選甜品 - 跟餐係芒果奶凍，上面有芒果醬同一粒粒既芒果肉，時令水果，夠晒甜。下面牛奶凍，香滑又唔會過甜，作為
📍北角渣華道123號北角匯二期2樓206號舖
呢間係朋友介紹既，佢話性價比好高，view又靚。 睇menu，有3道菜套餐，都係三百至四百幾，真係幾抵，仲可以加多個甜品做四道菜🤣 真係飽到上口。
2 瀏覽
0 讚好
0 留言
17 瀏覽
0 讚好
0 留言
香烤西冷牛扒配薯條 - $388
呢個餐咁啱做緊特價，好抵食。牛扒，我哋叫咗五成熟，未上枱已經聞到好香嘅烤肉味。切落去牛扒有彈性，識落口一啲都唔韌，仲帶啲牛味同油脂味。配菜方面變咗薯蓉，冇咁熱氣之餘，仲非常香滑。
4 瀏覽
0 讚好
0 留言
香煎海魚配蜆肉忌廉汁 - $388
魚扒好大塊，外皮煎得非常香脆，有啲多餘嘅油脂都冇，皮上面有少少調味，但唔會過重，影響海鮮嘅鮮味，魚肉都好滑好Juicy. 忌廉汁都係加分嘅地方，好Creamy，但又唔會過膩。
6 瀏覽
0 讚好
0 留言
是日餐湯 - 跟餐
呢個湯都幾特別，本身係一個大碟入面有啲麵包粒同菇，佢再用個壺倒啲湯入去，係南瓜湯黎既，南瓜蓉打軟，好滑，亦有南瓜既香甜。
3 瀏覽
0 讚好
0 留言
法式白酒煮青口- 跟餐
酒味都算濃郁，最欣賞佢加左紅椒同蕃茄，望落顏色靚啲之餘，味道亦都多啲層次。青口都幾肥美。
3 瀏覽
0 讚好
0 留言
精選甜品 - 跟餐
係芒果奶凍，上面有芒果醬同一粒粒既芒果肉，時令水果，夠晒甜。下面牛奶凍，香滑又唔會過甜，作為呢餐既句號非常好。
3 瀏覽
0 讚好
0 留言
凍檸茶/檸水- 跟餐
檸檬檸水正常發揮，係自己倒糖醬，要幾甜自己話事。
張貼
