張三

營業中

休息中

西營盤向來是小妹一向喜歡覓食的地頭之一，咁岩今日探完新搬屋既朋友就去附近睇下有咩好食。沿住第三街一直行，被張三既門口吸引住，本來以為係食中菜，一睇個menu先發現係原來係西餐，而且價錢相當實惠就咁樣，我就入左去一探究竟。好少餐廳會係週末都提供set dinner，而且仲要係$200有找，包湯主菜甜品飲品重點係，食物質素係相當高，絕對唔係平時茶餐廳貨仔。我點左個店員姐姐誠意推介既是日濃湯- 南瓜湯，外觀上比我地平見到橙色南瓜湯淺色，但味道好好好南瓜。主菜就叫左水波蛋辣肉醬意粉，見OpenRice上好多人推薦，果然係有原因，好出色。意粉煮好乾身，肉醬絕對唔係水狀，而係粒粒分明的肉碎，加上水波蛋同有少少辣既肉醬，真係好perfect。最後以一份blueberry cheesecake劃上句號，好滿足，好有水準。