小火山 (已結業)

打完風，好難得今日約朋友出下黎食飯。之前已有人介紹過呢間小火山食泰烤肉好抵，今日終於黎試下。坐底環境好唔錯，而呢度既店員都好有禮貌，好好招呼。一坐底我地就叫左2杯野飲： 十八碌扮沙冰同泰式奶茶。2杯都好正，菠蘿冰好香，泰式奶茶又唔會好甜。頭盤好大兜蝦片仲要任食，好開心。 炸粟米餅都有警驚喜，好好味。係預熱緊個烤鍋既同時食下冷盤先。呢個冷盤小食真係令人好滿足，泰式三味刺身，一口杯賣相已超吸引：三文魚，生蠔，同生蝦。 都好新鮮，最鍾意係生蠔。泰式烤鍋有：美國手切穀飼封門柳，安格斯下肩胛翼板肉，黑毛豬梅花肉，波蘭A級無骨豬腩。 店員話可以燒之前浸下鍋邊既椰子雞湯同泰式肉骨湯再燒會更好味，更多肉汁，果然浸過再燒係好好味，肉汁更豐富。而最後要燒既，就係呢個泰式豬梅花肉片。要撈埋蛋之後再燒。成份肉比蛋汁包住，好嫩滑。 雖然食到飽飽，但都有試埋個金邊粉，原來淥一淥就ok, 我地仲煮耐左少少，不過都好好食。最最最後當然食埋芒果糯米飯先叫完滿啦。