朗益燒味工房 (已結業)

前兩日去左北河街果間朗益燒味店，食左個$15蚊既燒味飯。點知今日經過開西九龍中心，對面竟然有分店，仲要比上次更多人。原來一樣係$15蚊就有個雙拼燒味飯！我又黎膽粗粗買一個，睇睇質素同前兩日有無大既分別。今次比較人多，等待既時間比上次長，但店員手腳都算快，唔算等太耐。返到去打開燒味飯，都有驚喜！我叫既係普通切雞燒肉雙拼飯，竟然有切雞肶，$15蚊有雞肶都幾好。另外燒肉皮脆，似乳豬皮，肥瘦分明，岩岩好。驚喜十足！