燒鬼 (已結業)

 約左朋友食Lunch，早排行過見到銅鑼灣L Square有間食燒肉既，就同朋友上去試試。上到去餐廳行暗黑型格路線，我地坐卡位好闊落，眼見其他位都唔會好逼。我地比較貪心，又想食燒肉又想食海鮮，所以叫左「大滿足！」同極尚和牛盛盒，有肉有海鮮燒仲有魚生﹑飯同湯。醬汁：燒肉汁、鹽味醬、檸檬海鹽、刺身豉油極尚和牛盛盒（$298）泡菜豆腐、鹿兒島A4和牛拼盤（ A4牛小排、 A4牛橫隔肌， A4牛腹脅， A4牛胸腹）、牛舌、海鮮拼盤（越南虎蝦，帆立貝）、三色刺身（三文魚、帶子、甜蝦）、三文魚味噌湯、燒鬼飯大滿足！（$398）泡菜豆腐、鹿兒島A4和牛拼盤（ A4牛小排、 A4牛橫隔肌， A4牛腹脅， A4牛胸腹）、牛舌、海鮮拼盤（越南虎蝦，帆立貝、鮑魚、青龍蝦半隻）、三色刺身（三文魚、帶子、甜蝦）、三文魚味噌湯、燒鬼飯大滿足！個餐最正就係有海鮮拼盤（虎蝦、帆立貝、鮑魚、龍蝦半隻），同A4和牛拼盤（A4牛小排、 A4牛橫隔肌、 A4牛腹脅、 A4牛胸腹）燒海鮮最過癮就係睇住佢縮小，個人建議鮑魚唔好燒太耐，否則會好韌。A4和牛果然係靚野，有個紙牌仔話比你知啲肉係咩部位，燒好擺落口有種入口即溶既感覺，唔