MOM LiveHouse

營業中

休息中

最近搬咗嚟炮台山工作 都要發掘下身邊有啲咩食？ 同事介紹咗我食呢一間位於地庫嘅餐廳。 開頭都冇咩期望。 點知有驚喜 其實已經食過幾次 之前食過巨髀肉燥飯 蔥油雞扒飯 黑椒牛扒飯 全部都幾穩定 今次我就叫咗呢個芝士豬扒公仔麵 係撈嘅 比完錢之後拎住個牌擺喺張枱度 就會有人送餐 我12:00落去食仲有得平$6 印象中好似$45已經有個餐 仲要有汽水飲 佢嘅芝士豬扒公仔麵 豬扒煎蛋幾香 唔會係好乾柴柴 公仔麵，撈芝士都幾夾 隻蛋食落去都唔係嗰啲煎燶晒嗰啲蛋 所以呢個價錢有呢一個質素 已經係交足功課 平平哋食一餐，呢度可以話係超級推薦 近期好似因為佢個廚師放緊大假 我同事話佢呢度嘅卡邦尼意粉超級好食 希望廚師返嚟之後有機會試吓