養心殿台式養生鍋 (已結業)

放假約咗朋友食午餐，之後去行街街，由於未食早餐，好肚餓，醫咗肚先。今日嚟到養生殿台式養生鍋，見到有人中午打邊爐，但今日我想試下佢地午餐。其實之前都有試過夜晚打邊爐，已經覺得好正，未試過佢地嘅午餐，所以決定一試。我就點咗九層塔三杯雞，嚟到仲感覺到鑊氣，唔係整定，正！碟餸嘅份量好多，而且帶有淡淡的酒香，雞肉調味香濃，而且肉質嫩滑，配料的菇都好好味，送飯一流！而朋友就點咗招牌極品台灣牛肉麵，份量好多，牛肉足足有五大塊，朋友話幾好味，但見佢碗麵食唔晒，可能份量太多。午餐仲跟餐湯及飲品，以價錢來講真係好性價比㗎！有機會下次可以中午打邊爐，原來中午係半價！