老鍋台式火鍋 (京都廣場) (已結業)

呢幾日天氣涼返d，即刻想打邊爐，友人介紹左我黎銅鑼灣既老鍋台式火鍋 😍蔬菜盤有好多唔同種類蔬菜同菌類，包括生菜，粟米，南瓜，鮮冬菇，娃娃菜同車厘茄等。生菜非常翠綠，南瓜煮完之後亦非常香甜。打邊爐食咁多肉類，有返個蔬菜盤，減低肥膩感，食完都冇咁大罪惡感呀！美國梅花豬，就咁望落去唔太肥，啱晒我呢啲「健康人士」。豬肉肥瘦各有好處，肥既入口香滑，但瘦少少，肉味較香濃。本人就喜歡呢隻肉味較濃既美國梅花豬，肉嫩但肉味突出，好食！美人拼酸菜白肉鍋。美人鍋，聽個名都知係會食靚人既湯底，當然材料絕不欺場。入面有烏雞，紅棗，桃膠，菇類同蔬菜等等，一滾起就襯佢未衫「污染」之前即刻飲啖，真係好甜好滋補。而酸肉白肉鍋，我都係第一次試，呢個傳統台式火鍋湯底，味道微酸，令人好開胃，酸菜味唔會太搶，唔會喧賓奪主，搶走其他食材既味道，可以試下呀。